Discover

អ្នកដែលចូលចិត្តបោះតង់នៅមាត់សមុទ្រនិងចូលចិត្តមើលថ្ងៃលិចគឺស័ក្តសមបំផុតសម្រាប់អ្នកចូលចិត្តស្ងប់ស្ងាត់នោះគឺភូមិក្តាត​គឺ​ជា​ទី​កន្លែងមួយដែលមានសក្ដានុពលដ៏ច្រើនសំបូរបែបនេះក៏ដោយសារតែភូមិនេះ​ស្ថិត​នៅក្បែរសមុទ្រមានទេសភាពភ្នំនិងទឹកធ្លាក់ដ៏ស្រស់ស្អាតរួមទាំងមានគ្រឿងសមុទ្រស្រស់ៗថែមទៀត​ផង។ភូមិនេះមានទីតាំងអំណោយផលល្អមែនទែនដោយស្ថិតតាមបណ្តោយជួរភ្នំបូកគោដែល​វាបានទាក់ទាញចិត្តភ្ញៀវទេសចរជាច្រើនទៅលេងទីនោះរៀងរាល់សប្តាហ៍។វាពិតជាកន្លែង​ទេសចរណ៍ដ៏ស្រស់ស្រាយមែនទែនហ៊ុមព័ទ្ធដោយព្រៃប្រឹក្សាដ៏ខៀវស្រងាត់ការជិះទូកលេងកម្សាន្ត​តាមដងព្រែកនិងគយគន់មើលថ្ងៃលិចយ៉ាងរ៉ូមែនទិកនៅមាត់សមុទ្រ។កុំភ្លេចសាកល្បងបរិយាកាសបែបនេះទាំងអស់គ្នា៕សម្រាប់ទីតាំងងាយងាយគឺនៅតាមបណ្ដោយ​​ផ្លូវ​ជាតិ​លេខ​៣ផ្លូវកំពតវាលរិញដែលស្ថិតក្នុង​ឃុំ​ព្រែក​ត្នោតស្រុក​ទឹក​ឈូ​ខេត្ត​កំពត និង​មាន​ចម្ងាយ​ប្រមាណ​ជា២៣គីឡូម៉ែត្រពី​ទី​រួម​ខេត្ត។    

ស្រុកសំឡូត គឺជាស្រុកមួយដែលនិងប្រែក្លាយជាទិសដៅទេសចរណ៍សំខាន់ថ្មីមួយ ដែលអាចទាក់ទាញភ្ញៀវទេសចរបានគ្រប់រដូវកាល។ស្រុកសំឡូតសម្បូរដោយធនធានធម្មជាតិ និងចម្ការ ដូច្នេះហើយតំបន់នោះនិងប្រែក្លាយចម្ការរបស់ប្រជាពលរដ្ឋជាតំបន់កសិ-ទេសចរណ៍។ស្រុកសំឡូតក៏មានសក្តានុពលធម្មជាតិដូចជា ជួរភ្នំ បឹងបួរ ជាពិសេសទេសចរយើងគាត់ចូលចិត្តលេងទឹក ហើយនៅស្រុកសំឡូតជាតំបន់ដែលមានប្រភពទឹកស្អាតនិងក៏ជាទីពេញចិត្តសម្រាប់ភ្ញៀវទេសចរផងដែរ។ ហើយនៅស្រុកនេះក៏មានរមណីយដ្ឋានកែច្នៃជាច្រើនផងដែរព្រមទាំងមានកន្លែងថតរូបស្អាតៗនិងពេញនិយមបំផុតនៅតំបន់នោះដូចជា៖ រមណីយដ្ឋានទឹកធ្លាក់ថ្មដាចំការទុរេន រមណីយដ្ឋានស្ទឹងក្រញូង សហគមន៍អេកូទេសចរណ៍អូរជាំ និងតំបន់កសិ-ទេសចរណ៍ ជាច្រើនទៀតផងដែរ៕

សហគមន៍ទេសចរណ៍ត្រពាំងសង្កែរដែលស្ថិតក្នុងភូមិកំពង់កែសឃុំត្រពាំងសង្កែរស្រុកទឹកឈូខេត្តកំពត។នៅទីនោះអ្នកទេសចរណ៍អាចទស្សនាព្រៃកោងកាងដាំកូនកោងកាង,ជិះទូកលេងកម្សាន្តនិងមើលអំពិលអំពែកពេលរាត្រីហើយនៅទីនោះសហគមន៍ក៏មានការបម្រើសេវាស្នាក់នៅម្ហូបអាហារនិងទូកជិះទស្សនាតាមដងព្រែកបច្ចុប្បន្នសហគមន៍ទេសចរណ៍មួយនេះកំពុងទទួលបានប្រជាប្រិយភាពយ៉ាងខ្លាំងពីសំណាក់ភ្ញៀវជាតិនិងអន្តរជាតិក្នុងការមកស្នាក់នៅកំសាន្តនិងចូលរួមដាំដើមកោងកាងក្នុងបុព្វហេតុចូលរួមថែរក្សាធនធានធម្មជាតិនៃព្រៃលិចទឹក។សារៈសំខាន់នៃព្រៃកោងកាងអាចជួយទប់ស្កាត់ទឹកជំនន់​ទប់ស្កាត់ខ្យល់ព្យុះនិងជួយស្រូបជាតិពុល និងកាបោនពីខ្យល់បានល្អ ហើយជួយអោយមានខ្យល់បរិសុទ្ធ។  

សហគមន៍អេកូទេសចរណ៍ធម្មជាតិកោះទ្រង់ជាតំបន់ដែលមានសក្តានុពលនៃវិស័យអេកូ-ទេសចរណ៍បែបធម្មជាតិមួយដ៏ស្រស់ត្រកាលក្នុងចំណោមតំបន់ជាច្រើនទៀតរបស់ខេត្តក្រចេះ។កោះនេះមានឆ្នេរខ្សាច់អមដោយទឹកទន្លេថ្លានារដូវប្រាំង។ដែលលាតសន្ធឹងតាមបណ្តោយកោះផ្នែកខាងកើតទល់មុខនឹងទីរួមខេត្តក្រចេះគួរជាទីគយគន់និងការធ្វើដំណើរកំសាន្តដ៏មនោរម្យរបស់ភ្ញៀវទេសចរណ៍ជាតិនិងអន្តរជាតិសហគមន៍អេកូ-ទេសចរធម្មជាតិកោះទ្រង់បានក្លាយជាភូមិស្អាតមានអនាម័យនិងបរិស្ថានល្អជាការទាក់ទាញដល់ភ្ញៀវទេសចរជាតិនិងអន្តរជាតិ។កោះទ្រង់មានផ្ទះស្នាក់សហគមន៍ម្ហូបអាហារសួនដំាបន្លែ​និងមានមធ្យោបាយធ្វើដំណើររួមមានម៉ូតូឌុប រទេះសេះ រទេះគោ ជួលកង់ជិះកំសាន្តជំវិញកោះ មើលសត្វជ្រឹង មើលភូមិបណ្តែតទឺក ហើយទេសចរក៍អាចធ្វើការបោះតង់លើឆ្នេរផ្តើមស្នេហ៍ដ៍ស្រស់ស្អាតដែលអាចមើលឃើញសម្រស់ក្រុងក្រចេះនាពេលរាត្រីផងដែរ។  

ប្រាសាទភ្នំព្រះលានឬប្រាសាទព្រះលានជាឈ្មោះភ្នំធម្មជាតិមួយដែលមានទីតាំងភូមិសាស្ត្រស្ថិតនៅក្នុងភូមិក្រាំងដូងឃុំព្រះឃ្លាំងស្រុកត្បែងមានជ័យខេត្តព្រះវិហារ។ដែលមានចម្ងាយប្រហែល២៥គីឡូម៉ែត្រពីទីរួមខេត្តព្រះវិហារ។ទីនោះស្ថិតនៅលើកូនភ្នំធម្មជាតិមានកម្ពស់ប្រមាណ១៨០ម៉ែត្រ។​ប្រាសាទនេះត្រូវបានស្ថាបនាឡើងពីថ្មបាយក្រៀមនិងថ្មភក់។ប្រាសាទនេះមានបណ្តោយប្រវែង១៦០ម៉ែត្រនិងទទឹងប្រវែង៦០ម៉ែត្រ។ហើយក៏ជាតំបន់រមណីយដ្ឋានទេសចរណ៍បែបវប្បធម៌និងប្រវត្តិសាស្រ្តមួយដែលភ្ញៀវទេសចរជាតិគួរតែឡើងជណ្ដើរឈើប្រមាណ៨០កាំដែលស្ថិតនៅជាប់នឹងផ្លូវជាតិលេខ៦២នេះតែម្តង។នៅលើកូនភ្នំនេះភ្ញៀវទេសចរអាចមកកម្សាន្ត ព្រមទាំងសិក្សាស្រាវជ្រាវស្វែងយល់អំពីប្រវត្តិដ៏អស្ចារ្យ និងទស្សនាប្រាង្គប្រាសាទ ចម្លាក់ក្បាច់លើជញ្ជាំង ដែលបាក់បែករលំស្ទើតែទាំងស្រុង។ ហើយភ្ញៀវទេសចរក៏អាចគយគន់ទេសភាព ចម្ការ ដំណាំហូបផ្លែដែលកសិករដាំដុះនៅជើងភ្នំត្បែង ចុងខែវស្សាដ៏ស្រស់ត្រកាលផងដែរ។ Phsat Prasat Preah Lean, also known as Prasat Preah Lean, is a naturally occurring mountain that can be found in Kraing Dong village, Preah Khleang commune, Tbeng Meanchey district, and Preah Vihear province. 25 kilometers away from Preah Vihear, a provincial town. situated on a 180-meter-high natural hill. The laterite and sandstone used to construct the temple. Its dimensions are 60 meters in width by 160 meters in length. Alongside National Road 62, there are roughly 80 wooden stairs that national tourists must ascend to reach the site's cultural and historical attractions. Visitors can view the panorama of fruit plantations that farmers grow at the base of Tbeng Mountain at the conclusion of the rainy season as well as visit the temples and carvings on the walls that are nearly completely damaged on this hill. Pine.